Kundershtimi I Profetit eshte kundershtim I fese

 " E kush I bindet te Derguarit I eshte bindur Allahut" Sureja Nisaa

Sejjib ibn Musejjib e pa nje person duke u falur pas lindjes se diellit me shume se dy rekate duke i shtuar ne to rukute e sexhdet( dmth me me shume ruku Sesa nje ne rekat e me shume sexhde se dy ne rekat sh.p) dhe e urdheroi ta ndaloje kete veprim. Ai personi tha:"O Ebu Muhammed a na denon Allahu me namaz? Ai tha:" Jo, por te denon per shkak te kundershtimit te sunnetit." 

Isnedi eshte sahih Iruaul Galil 236/2/478

Shiko El Xhami el ehadithi uel ether 21361

Kundershtimi I sunnetit ne kete Rast bazohet ne hadithin" Faluni sic me shihemi mua duke u falur" Bukhariu

Te mjeret ne

-Memoria jote, filloi ti harrojë dhikret e mëngjesit, të mbrëmjes dhe të gjumit!

-Sunetet e rregullta tashmë janë braktisur dhe s’kanë mbetur veç suneteve të sabahut, ndërsa ditët e tjera të kalojnë pa falur asnjë sunet.

-Nuk posedon asnjë plan program për leximin e Kuranit, as namaz nate, as agjërim gjatë ditës.

-Për sadakanë të pengojnë shejtanët, njëri të bën të zvarritësh, tjetri të jep shpresë (se ke kohë), një shejtan tjetër të frikëson nga varfëria, një tjetër të bën ta harrosh, e kështu shejtan pas shejtani…

-Kalojnë ditët, java mbase edhe muaji dhe nuk ke shfrytëzuar një kohë të përshtatshme për të lexuar seriozisht një studim të dobishëm.
-Tubimet ku merr pjesë mbyllen, njerëzit largohen, ndërkohë që i kanë mbushur barqet me lloj lloj mishi të ngordhur duke përgojuar, ndërsa ti nuk e merr mundimin ti ndalosh nga kjo gjë.

-Asket ndaj suneteve, i lëshuar në të lejuar dhe neglizhent ndaj të ndaluarës

-Namazin e duhasë, Justifikohesh duke thënë: Për atë që ka mundësi!

-Ndërsa shkuajra herët në xhami për ditën e xhuma, është kthyer në diçka të çuditshme dhe nuk ekziston në plan programin dhe angazhimet tona.

– Ikameti na duket si ezan, ndërsa leximi i imamit është kthyer si ikamet dhe shumë prej nesh dalin për në namaz, atëherë kur thirret ikameti.

-Vizitat për hir të Zotit janë bërë si haxhi i cili ndodh një herë në vit.
-Buzëqeshja, është kthyer në një monedhë të huaj, përjashto ata që i ka mëshiruar Allahu.

Si mund të ndikojë në shoqëri një person i tillë?! E jo më pastaj të ndikojë tek familja apo vetja e tij?!!!

Ky njeri, a është nga që i ndryshojnë (të tjerët) apo i ndryshuar në vetvete? A është prodhues apo konsumues?

Le ti kthehet gjithësecili nga ne vetes së tij dhe shpejt madje…

Njëri nga të parët tanë të mirë thoshte:
Besueshmëria e njerëzve të thjeshtë lëkundet tek I dituri, kur e shohin që gjithmonë vjen vonë dhe plotëson rekatet që i kanë ikur.
O Zot na kthe tek Ti në formën më të bukur!

Dr. Muhamed bin Ismail el Mukadem

Çfarë na mësoi halli i “Koronës”?

POSTED ON MARCH 19, 2020 BY UDHA E BESIMTARËVE

Çfarë na mësoi halli i “Koronës”?

1. Belaja e Koronës na tregoi se mund t’u zbavitkemi dhe kalojmë kohë të këndshme me familjen.
2. Belaja e Koronës na tregoi se po ta administrojmë mirë paranë dhe të ardhurat,duke u fokusuar tek ekonomia shtëpiake, larg shpenzimeve lart e poshtë, mund të na dalin dhe tia shohim hajrin dhe aq sa kemi.

3.Belaja e Koronës na tregoi se këshillimi i njerëzve, dhënia e udhëzimeve, përpjekja këmbëngulëse për t’i shpëtuar nga e keqja, qenka mision fisnik, urdhërim për të mirë dhe ndalim nga e keqja, e jo shkelje apo marrje e lirive dhe të drejtave.

4. Belaja e Koronës na tregoi se nëse vërtetë prindërit janë ambociozë dhe të përkushtuar ndaj familjes, ndajnë kohë për të edukuar dhe mësuar fëmijët e tyre.

5. Belaja e Koronës na vërtetoi madhështinë dhe bukurinë e fesë tonë që e ka pastërtinë pjesë të esencës së saj, me shekuj para se të ekzistonin Organizatat e shëndetësisë

6. Belaja e Koronës vërtetoi që Zoti dërgon herë pas here qortime të formave të ndryshme për të na shkundur nga shkujdesja dhe përhumbja pas dunjasë dhe shthurjes.

7. Belaja e Koronës vërtetoi që një “ushtar armik” i padukshëm, i vockël, mund të rrëzoka shtete të mëdha, të kapardisura me mburrje, pa e nisur fare “betejën” me vendet e varfëra.

8.Belaja e Koronës na pohoi që arma më e mirë mbrojtëse qenka mbështetja tek Allahu dhe lutja ndaj Tij, me bindje, përkushtim dhe përgjërim.

9. Belaja e Koronës na tregoi që muslimanët janë akoma në hajr, përderisa u qan zemra për namazin me xhemat.

10. Belaja e Koronës na tregoi që mund t’u mbyllkan dyqanet dhe qendrat tregtare për orë të tëra gjatë ditës e jo vetëm sa për namaz!

11. Belaja e Koronës vërtetoi që mbulesa, qoftë dhe e fytyrës, kur vjen si një zgjedhje,nuk e pengoka njeriun nga aktivitetet e përditshme dhe as nuk u dashka qortuar.

12. Belaja e Koronës pohoi se gjithmonë do ketë një kategori të babëziturish që do përpiqen të përfitojnë nga krizat dhe hallet kolektive

Belaja e Koronës ka shumë për të na thënë dhe treguar, mjafton që të “lexojmë” dhe kuptojmë.

Zoti ju ruajtë dhe ju dhëntë shëndet e iman

Shuajb Rexha

Dhjetë porosi për tu mbrojtur nga epidemia

.

POSTED ON MARCH 20, 2020 BY UDHA E BESIMTARËVE

Dhjetë porosi për tu mbrojtur nga epidemia.
Nga Shejh Abdurrazak ibn Abdulmuhsin el-Beder

Falënderimet i takojnë vetëm Allahut. I cili i përgjigjet nevojtarit kur ai (nevojtari) i lutet Atij. E ndihmon atë që i është bërë padrejtësi kur ai e thërret Atë. Ai (Allahu) është i cili e largon të keqen dhe brengat. Zemrat nuk kanë gjallëri vetëm se me përmendjen e Tij. Nuk ndodh asgjë vetëm se me lejen e Tij. Nuk shpëton nga e keqja vetëm se me mëshirën e Tij. Askush nuk është i ruajtur vetëm se me mbrojtjen e Tij. Nuk arrihet qëllimi vetëm se me lehtësimin e Tij. E lumturia nuk arrihet vetëm se me bindjen ndaj Tij.
Dëshmoj se nuk e meriton adhurim me të drejtë askush tjetër veç Allahut, të vetëm. Ai nuk ka ortak. Zot i botrave dhe i adhuruar nga të parët dhe të fundit. Ai është i cili mban qiejt dhe tokat.
Si dhe dëshmoj se Muhamedi (paqja e nderimet e Allahut qofshin mbi të) është rob dhe i dërguari i Tij. I dërguar me Librin e qartë dhe me rrugën e drejtë.
Këto janë disa porosi të dobishme me rastin e frikës që i ka kapluar njerëzit këto ditë nga kjo epidemi e quajtur: ‘Korona’.

E lus Allahun që ta largojë prej nesh dhe prej muslimanëve kudo që ndodhen çdo dëm e fatkeqësi. Si dhe të largojë çdo vështirësi. Të na ruaj të gjithëve ashtu siç Ai i ruan robërit e Tij të mirë. Vërtetë Ai është i plotfuqishëm për këtë.

1- Çfarë thuhet përpara se të vijë epidemia.
Nga Uthman ibn Afani (Allahu qoftë i kënaqur prej tij) përcillet se ka thënë: kam dëgjuar të dërguarin e Allahut (paqja e nderimet e Allahut qofshin mbi të) duke thënë: ‘Ai i cili thotë: Me emrin e Allahut të cilit nuk të dëmton asgjë me emrin e Tij në tokë apo në qiell. Me të vërtetë Ai është Dëgjues dhe i Ditur’. Kush e thotë këtë lutje tri herë nuk e zë atë asnjë fatkeqësi derisa të gdhihet. E kush e thotë këtë lutje tri herë kur gdhihet nuk e zë atë asnjë fatkeqësi derisa të ngryset. (Transmeton imam Ebu Davudi dhe të tjerë).

2- Të thuash sa më shumë lutjen: ‘Nuk e meriton adhurimin askush me të drejtë përveç Allahut, vërtetë unë jam prej zullumqarëve’.
Allahu i lartësuar ka thënë: {(Kujtoje) Dhun-Nunin (Junusin) kur iku i zemëruar e mendoi se Ne nuk do ta dënojmë, andaj thërriti nga errësira: {S’ka tw adhuruar tjetër me të drejtë, përveç Teje! Qofsh i lavdëruar! Me të vërtetë, unë kam gabuar!” Ne iu përgjigjëm atij dhe e shpëtuam nga brengosja. Kështu, Ne i shpëtojmë besimtarët.} (Surja: Enbija: 87-88).
Imam Ibn Kethiri (Allahu e mëshiroftë) në ‘Tefsirin e tij’ ka thënë: fjala e Allahut: {kështu Ne i shpëtojmë besimtarët} d.m.th. se nëse ata (besimtarët) janë në vështirësi dhe luten të përgjëruar, e sidomos nëse luten me këtë lutje Ne do i shpëtojmë ata.
Më pas përmend një hadith të Pejgamberit (paqja e nderimi i Allahut qoftë mbi të) ku thotë: ‘Lutja e Junusit me të cilën ai u lut kur ishte në barkun e peshkut: Nuk e meriton adhurimin askush me të drejtë përveç Allahut, vërtetë unë jam prej zullumqarëve. Nuk lutet askush prej njerëzve me këtë lutje vetëm se Allahu i përgjigjet atij.’ (Transmeton imam Ahmedi dhe Tirmidhi).
Imam Ibn Kajimi (Allahu e mëshiroftë) në librin e tij ‘El-Feuaid’ ka thënë: ‘Nuk ka gjë që i largon brengat e vështirësitë e dynjasë si teuhidi (njehsimi i Allahut). Ndaj dhe lutja që thuhet në vështirësi është me njehsim. Njehsimi i Allahut është vendi ku krijesat kthehen kur janë në vështirësi. Ai (njehsimi i Allahut) është streha e tyre, fortesa dhe ndihma e tyre. Suksesi vjen vetëm prej Allahut.’

3- Kërkimi i mbrojtjes tek Allahu nga fatkeqësia e rëndë.
Nga Ebu Hurejra (Allahu qoftë i kënaqur prej tij) transmetohet se ka thënë: ‘I dërguari i Allahut (paqja e nderimet e Allahut qofshin mbi të) i kërkonte Allahut mbrojtje nga fatkeqësia e rëndë, nga çdo e keqe që do ta çonte në mjerim, nga caktimi i keq (që e shpie njeriun në mëkat) si dhe të bëj diçka që meriton të përflitet nga armiqtë.’
Po ashtu nga Ebu Hurejra (Allahu qoftë i kënaqur prej tij) përcillet se ka thënë i dërguari i Allahut (paqja e nderimet e Allahut qofshin mbi të) ka thënë: ‘Kërkojini mbrojtje Allahut nga: fatkeqësia e rëndë, nga çdo e keqe që mund të shpie në mjerim, nga caktimi i keq (që e shpie njeriun në mëkat) si dhe të bëni diçka që meritoni të përfliteni nga armiqtë.’ (Të dyja transmetimet i përcjell imam Buhariu në librin e tij të saktë.)

4- Të tregohesh i kujdesur në bërjen e lutjeve që thuhen kur del nga shtëpia.
Nga Enes ibn Malik (Allahu qoftë i kënaqur prej tij) përcillet se i dërguari i Allahut (paqja e nderimet e Allahut qofshin mbi të) ka thënë: ‘Kur të dali dikush nga shtëpia e tij dhe thotë: ‘Me emrin e Allahut. I mbështetem Allahut, Nuk ka forcë dhe fuqi vetëm se prej Allahut’ i thuhet këtij njeriu që i thotë këto fjalë: Vërtetë që je i udhëzuar, i mbrojtur dhe i mjaftuar. Shejtanët largohen prej tij duke thënë: si mund të ndikojmë tek një person i cili është i udhëzuar, i mbrojtur dhe i mjaftuar?’ (Transmeton imam Ebu Davudi).

5- T’i kërkosh Allahut shëndet në mëngjes dhe në mbrëmje.
Nga Abdullah ibn Umeri (Allahu qoftë i kënaqur prej tij) përcillet se ka thënë: i dërguari i Allahut (paqja e nderimi i Allahut qoftë mbi të) nuk linte pa përmendur këto lutje në mëngjes dhe në mbrëmje: ‘O Zot! Unë të kërkoj shëndet të plotë në dynja dhe ahiret. O Zot! Unë të kërkoj falje dhe shëndet në fenë time, në dynjanë time, tek familja ime, e në pasurinë time. O Zot! Mi mbulo të metat e mia dhe më bëj të sigurt nga ajo që kam frikë. O Zot! Më ruaj mua nga para dhe pas, nga e majta ime dhe e djathta dhe përmbi meje. Unë kërkoj mbrojtjen Tënde që të mos të përpihem nga poshtë.’ (Transmeton imam Ahmedi dhe të tjerë).

6- Lutjet e shpeshta.
Transmetohet nga Abdullah ibn Umeri (Allahu qoftë i kënaqur prej tij) se ka thënë: i dërguari i Allahut (paqja e nderimi i Allahut qoftë mbi të) ka thënë: ‘Atij që i është dhënë për tu lutur shpesh, atij i janë hapur dyert e mëshirës. Lutja që Allahu e do më së shumti është që t’i kërkosh atij shëndet të plotë.’
Gjithashtu i dërguari i Allahut (paqja e nderimet e Allahut qofshin mbi të) ka thënë: ‘Vërtetë lutja i bën dobi njeriut në atë çka i ka zbritur prej caktimit si dhe i bën dobi edhe në atë që nuk i ka zbritur ende. Ndaj shtojini lutjet e robër të Allahut.’ (Transmeton imam Tirmidhi dhe të tjerë).

7- Ruajtja nga vendet në të cilat është përhapur epidemia.
Transmetohet nga Abdullah ibn Amir (Allahu qoftë i kënaqur prej tij) se Umeri (Allahu qoftë i kënaqur prej tij) u nis për në vendet e Shamit (Sirisë). Kur arriti në vendin e quajtur Serg i vjen lajmi Umerit se në Sham është përhapur një epidemi. Abdurrahman ibn Aufi (Allahu qoftë i kënaqur prej tij) i thotë se i dërguari i Allahut (paqja e nderimet e Allahut qofshin mbi të) ka thënë: ‘Nëse dëgjoni që epidemia është përhapur në një vend mos shkoni atje, e nëse përhapet në një vend e ju jeni aty atëherë mos dilni prej saj. Mos u largoni nga ai vend nga frika se mos ju zërë epidemia.’
Nga Ebu Hurejra (Allahu qoftë i kënaqur prej tij) ka thënë: se i dërguari i Allahut (paqja e nderimet e Allahut qofshin mbi të) ka thënë: ‘Ai i cili është i sëmurë mos ta vizitojë atë që nuk është i sëmurë .’ (Transmeton imam Buhariu dhe Muslimi të dy hadithet).

8- Bërja sa më shumë mirësi.
Nga Enes ibn Malik (Allahu qoftë i kënaqur prej tij) përcillet se ka thënë: i dërguari i Allahut (paqja e nderimet e Allahut qofshin mbi të) ka thënë: ‘Bërja mirësi të mbron nga fatkeqësitë e rënda, sëmundjet dhe shkatërrimi. Ata që bëjnë mirësi në këtë botë do të jenë prej bamirëseve edhe në botën tjetër.’ (Transmeton Hakimi).
Ibn Kajimi (Allahu e mëshiroftë) ka thënë: ‘Prej shkaqeve më madhore për tu shëruar nga sëmundjet është bamirësia, përmendja e Allahut, lutja, përulja përpara Allahut, qëndrimi me frikë-respekt përpara Allahut, pendimi. Këto gjëra kanë ndikim në shërimin e sëmundjeve dhe rikthimin e shëndetit më shumë se sa ilaçet. Porse ky ndikim është në varësi të përgatitjes shpirtërore, pranimit të tij, e besimit që ka në të dhe dobinë e tyre.’ (Marrë nga libri: Zadul Mead).

9- Namazi i natës.
Transmetohet nga Bilali (Allahu qoftë i kënaqur prej tij) se i dërguari i Allahut (paqja e nderimet e Allahut qofshin mbi të) ka thënë: ‘Kujdesuni për faljen e namazit të natës, sepse ai është tradita e njerëzve të mirë që kanë qenë para jush. Vërtetë namazi i natës është afrim tek Allahut dhe të ndalon nga gabimet, t’i shlyen gjynahet dhe ta largon sëmundjen nga trupi.’ (Transmeton imam Tirmidhi dhe të tjerë).

10- Mbulimi i enëve dhe i gotave.
Transmetohet nga Xhabir ibn Abdilah (Allahu qoftë i kënaqur prej tyre) se ka thënë: kam dëgjuar të dërguarin e Allahut (paqja e nderimet e Allahut qofshin mbi të) të thotë: ‘Mbuloni enët e juaja dhe gotat, sepse gjatë vitit është një natë në të cilën zbret sëmundja. E kjo sëmundje nuk kalon pranë një ene të pambuluar dhe gote vetëm se hyn në të prej kësaj epidemie.’ (Transmeton imam Muslimi).
Ibn Kajimi (Allahu e mëshiroftë) ka thënë: ‘Kjo gjë është prej gjërave që nuk e rrinë shkenca e mjekësisë e as eksperienca e tyre.’ (Zadul Mead).

Së fundmi themi se çdo musliman duhet që t’ia lë çështjen e tij Allahut të lartësuar, duke shpresuar tek mirësia e Tij dhe shpërblimi i Tij, e duke u mbështetur vetëm tek Ai. Çdo gjë është në dorën e Tij dhe nën kujdesin e Tij.
Si dhe të bëj ç ‘është e mundur që fatkeqësitë që i vijnë t’i kalojë me durim e duke shpresuar shpërblimin e Tij. Sepse Allahu i lartësuar ka premtuar se ai i cili tregohet i duruar dhe shpreson në shpërblimin e Tij do u japi atyre shpërblim të madh. Allahu i lartësuar ka thënë: {Vërtetë durimtarëve u jepet shpërblimi pa masë.} (Surja Zumer: 10).

Transmetohet nga Aishja (Allahu qoftë i kënaqur prej saj) se e ka pyetur të dërguarin e Allahut (paqja e nderimet e Allahut qofshin mbi të) rreth sëmundjes së Taunit (Murtajës) dhe ai i tha: ‘Kjo sëmundje ka qenë pjesë e dënimit të Allahut, e Ai e dërgonte ku të dëshironte. E bëri Allahu këtë sëmundje mëshirë për besimtarët. Ndaj çdo kënd që e kap kjo sëmundje dhe ai person qëndron në vendin e tij duke duruar si dhe duke e ditur se asgjë nuk e kap njeriun përveç asaj që ka caktuar Allahu, vetëm se ai do të meritojë shpërblimin e dëshmorit.’ (Transmeton imam Buhariu).

E lus Allahun që të na japi sukses të gjithëve në atë që Ai është i kënaqur dhe e do prej punëve të mira, e fjalëve të bukura. Vërtetë Ai e thotë të vërtetën dhe udhëzon në rrugën e drejtë.
Falënderimi i takon vetëm Allahut të vetëm. Paqja e nderimet e Tij qofshin mbi pejgamberin tonë Muhamedin, familjen e tij e shokët e tij.

Shkroi:
Abdurrazak el-Beder

Përshtati:
Ylli Rama

Komisioni i dijetarëve të mëdhenj prononcohet për rregullat në lidhje me pandeminë e shkaktuar nga Korona virusi

POSTED ON MARCH 12, 2020 BY UDHA E BESIMTARËVE

Komisioni i dijetarëve të mëdhenj prononcohet për disa rregulla në lidhje me pandeminë e shkaktuar nga Korona virusi Covid-19.

Vendim nr (246) në datë 16/07/1441  që përkon me datën 11/03/2020

Komisioni i dijetarëve të mëdhenj shpalli vendimin në lidhje me epideminë që është përhapur ditët e fundit nëpër botë:

Falënderimi i takon Allahut Zotit të botëve. Paqja dhe lavdërimi i Allahut qofshin mbi Profetin Muhamed, familjen dhe gjithë shokët e tij!

Pas shqyrtimit të shumë pyetjeve që kanë mbërritur ditët e fundit, në lidhje me masat lehtësuese për mosprezantimin në namazin e xhumasë dhe të xhematit, në rastin e përhapjes së epidemive apo kur ekziston frika nga përhapja e tyre, u studiuan në mënyrë të gjithanshme argumentet fetare dhe ligjore, bashkë me rregullat, qëllimet dhe largpamësinë e  tyre, si edhe fjalët e dijetarëve lidhur me këtë çështje.

Bazuar në çka përmendëm, komisioni i dijetarëve të mëdhenj shpjegon si më poshtë:

1. Është haram (e ndaluar kategorikisht) për atë që është i infektuar, që të prezantojë namazin e xhumasë apo namazet ditore me xhemat. Sipas fjalës së Profetit (Sal-Allahu alejhi ue sel-lem): ”Të mos përzihet i sëmuri me të shëndetshëm” (Buhariu dhe Muslimi). Bazuar gjithashtu në fjalën e tij: ”Nëse dëgjoni se murtaja ka rënë në ndonjë vend, mos shkoni në atë vend. E nëse ju jeni aty, atëherë mos dilni prej tij” (Mutefekun alejhi)
2. Nëse institucionet kompetente kanë vendosur për dikë që duhet të izolohet prej të tjerëve (të karantinohet), atëherë është obligim për të zbatimi i këtij vendimi. I tilli duhet që të lërë prezantimin në xhuma dhe xhemate dhe të falet në shtëpinë e tij apo në vendin ku është izoluar. Transmetohet se Shurejd bin Suvejd Eth-Thekafij (Allahu qoftë i kënaqur me të!) ka thënë: ”Në delegacionin e Thekifit (që po vinte në Medine për të besatuar Profetin per hyrjen në islam) ishte një burrë lebroz. Atij i dërgoi Profeti (Sal-Allahu alejhi ue sel-lem) fjalë që ti thuhej; Ty ta kemi pranuar besën tënde, prandaj kthehu!” (Muslimi)
3. Kushdo që dyshon se mund të dëmtohet për vete apo të dëmtojë të tjerët, i lehtësohet dispozita dhe i lejohet që të mos prezantojë në xhuma apo në namazet me xhemat. Mbështetur kjo në hadithin: ”Nuk lejohet dëmtimi i vetes dhe as dëmtimi i të tjerëve” (Ibnu Maxheh)

Në të gjitha rastet e përmendura, nëse nuk prezanton në xhuma, duhet të falë në vend të saj drekën katër rekate.

Komisioni i dijetarëve të mëdhenj i porosit të gjithë për korrektësi, përmbajtje dhe zbatim me përpikmëri të orientimeve, porosive dhe rregullave që burojnë nga institucionet kompetente.

Ashtu siç i porosit të gjithë  për devotshmëri ndaj Allahut të Madhëruar. Për kthimin me përgjërim dhe lutje tek Ai i Lartësuari, në mënyrë që ta largojë prej nesh këtë sprovë.

Allahu i Madhëruar thotë: ”Nëse All-llahu të godet me ndonjë të keqe, s’ka kush që ta largojë atë veç Tij, e nëse të dhuron ndonjë të mirë, duhet ditur se Ai është i Gjithëfuqishëm për çdo gjë” EnAmë – 17.

Gjithashtu i Madhëruari thotë: ”Zoti juaj ka thënë: Lutmuni Mua që t’iu përgjigjem!”

Paqja dhe lavdërimi i Allahut qofshin mbi Profetin Muhamed, familjen dhe gjithë shokët e tij!

Përktheu: Mirandi Shehaj

Mos flit cdo gje qe degjon

Muslimani duhet te verifikoje ate qe i tregojne dhe ate qe vete do te tregoje.
Keshtu ai nuk duhet te pranoje asgje pervec asaj qe eshte e verifikuar dhe as nuk duhet te tregoje asgje vetem nese e di qe eshte e sakte dhe e vertete.


Njerezve i pelqejne historite e perrallat por shumica e tyre jane genjeshtra.


Imam Muslimi transmeton ne Hyrjen e Sahihut nga Ebu Hurejrah se Profeti salaAallahu alejhi ue sel-lem tha:" Eshte mjaft genjeshter per personin qe te transmetoje cdo gje qe degjon." 1/10

Imam Neueuiu tha ne shpjegimin e ketij hadithi:"Ky eshte paralajmerim qe personi te mos flase cdo gje qe degjon, sepse zakonisht njeriu degjon edhe te verteta edhe genjeshtra. Keshtu nese i tregon cdo gje qe degjon atehere do perhapi edhe genjeshtra..."  Sherrh Sahih Muslim 1/15

Rendesia e faljes se namazit te sabahut ne xhami

POSTED ON JANUARY 4, 2020 BY UDHA E BESIMTARËVE

Rendesia e faljes se namazit te sabahut ne xhami

Vepra jote me e mire, o njesues i Allahut, eshte namazi i sabahut dhe namazi i ikindise. Prandaj, trego kujdes ndaj ketyre ne cdo kohe, e ne vecanti kur eshte ftohte.

Trego kujdes o ti njeri nga falja e ketyre dy namazeve me xhemat dhe ji prej atyre qe bien ne ruku. Ngase Profeti sal-lAllahu alejhi ue sel-lem ka thene: “Kush fal dy te ftohtat do te hyje ne Xhenet”.

“dy te ftohtat” jane namazi i sabahut dhe namazi i ikindise.

Prandaj, mos te te pengoje ty ngrohtesia e shtratit nga ecja per ne rrugen e Xhenetit. (1)

Libri “Islami, feja e teuhidit”

Pergatiti: Unejs Sheme

(1) Shejh Sulejman Er-Ruhajli (Allahu e ruajtte!)

KAPITULLI I PASTËRTISË, DISPOZITAT E UJËRAVE

POSTED ON JANUARY 25, 2020 BY UDHA E BESIMTARËVE

LIBRI: BULUGUL MERAM MIN EDIL-LETIL AHKAM
(Arritja e qëllimit lidhur me argumentat e dispozitave)
Autori: Ibn Haxher El Askelani

KAPITULLI I PASTËRTISË
DISPOZITAT E UJËRAVE
1-Ebu Hurejreh -Allahu qoftë i kënaqur me të- ka transmetuar se Profeti a.s. në lidhje me detin ka thënë: ‘’Uji i tij është pastrues, ngordhësira e tij është hallall (e ligjshme për t’u ngrënë)’’.

Grada e Hadithit:
Këtë hadith e ka transmetuar Imam Maliku, Shafiiu, Ahmedi, Ebu Davudi,Nesaiu,Tirmidhiu, Ibn Maxheh, ibn Ebi Shejbeh dhe ky është versioni i tij. Është saktësuar nga ibn Huzejmeh dhe Tirmidhiu. Imam Tirmidhiu ka thënë se e kam pyetur Buhariun në lidhje me këtë hadith dhe ai m’u përgjigj që është i saktë.
Shpjegimi i hadithit:
(Ebu Hurejreh r.a. ): Thuhet se emri i tij,në periudhën paraislame, ishte Abdu Shems (Robi i Diellit) kur pranoi fenë islame u quajt Abdullah ose Abdurrahman (Robi i Allahut, Robi i të Gjithëmëshirshmit). Ishte nga fisi Deus i Jemenit. Pranoi Islamin dhe u shpërngul në Medine në vitin e shtatë të hixhretit. Ai ishte sahabiu i cili I përcolli botës islame më shumë se çdokush tjetër hadithe nga i Dërguari i Allahut a.s. Ndërroi jetë në vitin 59 sipas hixhretit në moshën 78 vjeç. U varros në varrezat e ‘’El Bekijë’’ (Allahu qoftë i kënaqur me të). (Tabekat Ibn Sa’d, Tarihul Kebir i Buhariut, Sijer A’lam en Nubela i Dhehebiut)
Ky hadith ka ardhur si përgjigje e një pyetjeje që iu parashtrua Profetit a.s. nga një person i cili i tha: ‘’ O i Dërguari i Allahut, ne lundrojmë në det dhe me vete marrim vetëm pak ujë, nëse e përdorim për abdes, na merr etja, a të marrim abdes me ujin e detit?’’ I Dërguari i Allahut tha: ‘’Uji i tij është pastrues, ngordhësira e tij është e ligjshme (që të konsumohet)’’ (Muvetta e Malikut: 46)
Nëpërmjet këtij hadithi mësojmë dy gjëra:
E para: Uji i detit është i pastër dhe i vlefshëm për t’u përdorur për abdes, gusël dhe për të pastruar papastërtitë dhe ndyrësitë e ndryshme.
E dyta: Gjallesat e detit janë të lejuara për t’u ngrënë edhe nëse janë të ngordhura, nuk është kusht që të kapen të gjalla dhe të theren.
Mendimet e shkollave juridike lidhur me ngrënien e gjallesave të detit:
Shkolla Hanefite: Vetëm familja e peshkut është e lejuar që të hahet. Imam Kasani shkruan: ‘’Sa i takon llojit të gjallesave që jetojnë në det ato janë të gjitha të ndaluara që të hahen përveç peshkut në veçanti, ngrënia e tij është e ligjshme, me pëprjashtim të peshkut të ngordhur që qëndron mbi sipërfaqen e ujit. Ky është mendimi i dijetarëve tanë’’.(Bedaius Sanaië: v.3 f.35)
Argumenti i shkollës hanefite sa i takon çështjes se vetëm peshku dhe llojet e tij lejohet që të hahen nga mesi i gjithë gjallesave të detit është hadithi i Profetit a.s. ku thuhet: ‘’Na janë lejuar dy lloje ngordhësirash; peshku dhe karkaleci…’’(Ahmedi:5723 dhe Ibn Maxheh:3314. Mbi saktësinë e këtij hadithi ka dilemë. Disa e cilësojnë të dobët ndërsa disa e cilësojnë të saktë si fjalë të sahabiut e jo si fjalë të Profetit a.s.)
Ky hadith shpjegon hadithin e Ebu Hurejres r.a. dhe sqaron se fraza ‘’ngordhësira e tij është hallall’’ nënkupton peshkun dhe llojet e tij në veçanti.
Pjesë e argumentit të hanefive është edhe fakti që Allahu i Madhëruar e dërgoi Profetin a.s. për të ndaluar gjërat e ndyta dhe se gjallesat e tjera të detit veç peshkut janë të ndyta. Sa i takon peshkut të ngordhur pa shkaqe të jashtme që qëndron mbi ujë shkolla hanefite e ndalon ngrënien e tij bazuar në transmetimin e Xhabirit r.a. nga Profeti a.s. ku thuhet: ‘’Atë që e hedh deti apo që ngel në breg nga zbatica hajeni ndërsa atë që ngordh në të dhe qëndron mbi ujë mos e hani!’’(Ebu Daudi:3815. Imam Neueuiu ka thënë në shpjegimin e tij ndaj Sahihut të Muslimit se është i dobët me unanimin e dijetarëve të hadithit. Shejh Albani dhe Shejh Shuajbi e kanë dobësuar gjithashtu)
Gjithashtu ata mbështeten edhe tek logjika se një peshk i tillë që ka ngordhur vetvetiu dhe që qëndron mbi ujë është prishur dhe për pasojë është i dëmshëm për shëndetin.
Kriteri i hanefive në konsiderimin e diçkaje nga gjallesat e detit si të ligjshme për t’u ngrënë është bërja pjesë e tij në familjen e peshqve. Kush bën pjesë nga gjallesat e detit në familjen e peshqve është e ligjshme që të hahet. Për rrjedhojë balena, peshkaqeni dhe ngjala hahen sepse ato bëjnë pjesë në familjen e peshqve. Imam Merginani shkruan: ‘’Ngjalat dhe të gjitha llojet e peshqve mund të hahen pa problem’’)El Hidajeh: v.4-f.354)
Shkolla Malikite, Shafiite, Hambelite dhe Dhahirite: Janë të mendimit se në përgjithësi gjallesat e detit janë të ligjshme që të konsumohen pa dallim, bëjnë pjesë në familjen e peshqve apo jo, të kapura të gjalla apo të ngordhura, bazuar në ajetin e Kuranit: ‘’Ju është lejuar gjahu i detit dhe ushqimi i tij, si mjet jetese për ju dhe për udhëtarët’’ (Maideh:96) Ky argument është i përgjithshëm dhe nuk bën asnjë përjashtim. (Megjithatë edhe në mesin e dijetarëve të këtyre tri shkollave ka diskutime mbi disa gjallesa të detit si: qeni i detit(foka),derri i detit(delfini), bretkosa dhe krokodili)

Ibn Hazmi në librin e tij ‘’El Muhal-la’’ shkruan se të gjitha gjallesat e ujit, që jetojnë vetëm në të, janë të lejuara që të hahen pa asnjë përjashtim.(El Muhal-la: çështja nr:990)
Ibn Uthejmini r.a. në ‘’Esh Sherh el Mumtië’’ thotë: Gjallesat e detit janë të gjitha hallall, nuk ka në të asgjë të ndaluar. Të gjitha gjallesat e detit hahen pa përjashtim, të gjallat dhe të ngordhurat, bazuar në fjalën e Allahut ‘’Ju është lejuar gjahu i detit dhe ushqimi i tij, si mjet jetese për ju dhe për udhëtarët’’ (Maideh:96) Ibn Abbasi r.a. ka thënë: ‘’Gjahu i detit është ai që kapet i gjallë, ndërsa ushqimi i tij është ai që kapet i ngordhur’’ (Esh Sherh el Mumtië v15, f35)
Komisioni i përhershëm i fetvave në Arabinë Saudite në fetvanë nr:5828 shkruan:
Rregulli sa i takon gjallesave të detit që jetojnë vetëm në të është se ato janë të lejuara për t’u ngrënë bazuar në fjalën e Allahut të Madhëruar ‘’Ju është lejuar juve gjahu i detit dhe ushqimi i tij, si mjet jetese për ju dhe për udhëtarët’’(Maideh:96)
Gjykimi mbi karkalecin e detit, gaforren,midhjen, kallamarin…etj:
Sipas shumicës së shkollave juridike ato janë të gjitha të lejuara që të hahen, pa asnjë problem bazuar në ajetin e Kuranit ‘’ ‘’Ju është lejuar juve gjahu i detit dhe ushqimi i tij si mjet jetese për ju dhe për udhëtarët’’(Maideh:96) I cili është tekst konkret në këtë çështje dhe është i përgjithshëm.
Ndërsa sipas shkollës hanefite ato janë të ndaluara për shkak se nuk bëjnë pjesë në familjen e peshqve. Përjashtohet karkaleci i detit në lidhje me të cilin dijetarët e shkollës hanefite kanë dilemë, sepse sipas disa gjuhtarëve ai bën pjesë në familjen e peshqve dhe sipas disa të tjerëve nuk bën pjesë në të. Ibn Durejdi në Xhemheretul Lugah dhe Demiri në Hajatul Hajeuan dhe të tjerë e kanë klasifikuar në familjen e peshqve. Nga dijetarët hanefij që e kanë lejuar ngrënien e karkalecit të detit mund të përmendim: Ish myftiu i Indisë Abdurrahim Laxhpuri, Shejh T’hanvi, Myfti Taki Uthmani Ish Gjykatësi Suprem i Pakistanit …etj.
Autori i fjalorit ‘’Xhmeheretul Lugah’’ Ibn Durejdi (321h) shkruan:
وإرْبيان: ضرب من الْحيتَان
‘’Karkaleci i detit është një lloj peshku’’(xhemheretul lugah:v,3 f,414)
Autori i librit ‘’Hajatul Hajevan’’ Al-lamah Demiri (808 h) e përkufizon karkalecin e detit si pjestar të familjes së peshqve, ai thotë:
الروبيان هو سمك صغير جدا أحمر
‘’Karkaleci i detit është një lloj peshku shumë i vogël, i kuq’’(Hajatul Hajevan:v,1 f,514)

Përktheu dhe përshtati: Rexhep Milaqi

Shpagim i mekateve

Abdullah ibn Numejr na transmetoi ne, ai tha: Ismaili na tregoi neve, nga Ebu Bekr ibn Ebi Zuhejr qe tha: Me kane treguar se Ebu Bekri radiallahu anhu tha:" O i Derguari i Allahut. Si do permiresohemi pas ketij ajeti
" Nuk eshte (shpetimi) sipas pretendimeve tuaja e as sipas pretendimeve te Ehlil Kitabeve, kush ben keq do te ndeshkohet per te..." Nisaa 4:123

A do te denohemi per cdo te keqe qe bejme?
Keshtu i Derguari i Allahut salalallahu alejhi ue sel-lem tha:"Allahu te falte o Ebu Bekr! A nuk semuresh? A nuk lodhesh? A nuk pikellohesh? A nuk te zene veshtiresite? Ai tha:" Po me te vertete.
Ai (Profeti) tha:" Ky eshte ndeshkimi( dmth semundjet, lodhjet, pikellimet, veshtiresite qe njeriu has ne jete behen sebep i faljes se mekateve sh.p)"

Musnedi Imam Ahmedit nr 68.

Fillimisht tranmsetohet me rruge tjeter ne nr 23 ne musned. Ka ardhur me rruge te ndryshme nga Taberiu shiko Tefsirin e sures Nisaa ajeti 123, Tirmidhiu 3039 i cili e vleresoi hadithin garijb e tha se asnje nga senedet nuk jane sahih., Bazzari nr 13,14,87,89 duke permendur mangesite e tyre, Ebu Ja'la 21, Hakimi 4512 e te tjere.  Hakimi e vleresoi sahih e Dhehebiu heshti, Mukbil ibn Hadi permendi se senedi ka mangesi.  Albani e vleresoi te dobet ne Daif el Xhami 5891 dhe Daifah 1694. Ahmed Shakir tha: Senedi eshte i dobet. Arrnauti tha hadithi eshte i sakte per shkak te rrugeve te tjera e deshmive e senedi eshte i dobet.