Khauarixhi I pare

 _Khavarixhët_, _shkëndija e parë e fitnes në ymetin e Muhammadit alejhi selam_.

Enes ibn Malik r.a tregon dhe thotë: 

Ekzistonte një person gjatë kohës së të Dërguarit të Allahut alejhi selam i cili prezantonte nëpër beteja me të.

Kur kthehej pas beteje, ai shikonte në xhaminë e profetit alejhi selam dhe falej namaz gjatë...

Kur i Dërguari i Allahut alejhi selam e pa atë person, tha: "*Betohem në Atë të Cilin shpirti im është nën kontrollin e Tij*! 

*Në ballin e tij* (dallohet) *një njollë prej shejtani*. 

Më pas, i Dërguari i Allahut alejhi selam iu drejtua personit dhe i tha: *A the në veten tënde kur u afrove*: *S'ekziston në këtë mexhlis njeri më të mirë se vetja ime*? 

Ai tha: Po. (E thashë diçka të tillë). 

Më pas ai person u kthye për të falur namaz përsëri.

I Dërguari i Allahut alejhi selam u tha shokëve të tij: *Kush e merr përsipër të shkojë e ta eleminojë atë person*? 

Aty ndodhej ebu Bekri r.a dhe tha: Shkoj unë.

Pasi u kthye, i Dërguari i Allahut alejhi selam e pyeti ebu Bekrin: *A e eleminove*? 

Ebu Bekri r.a i tha: E gjeta atë duke u falur dhe u stepa (për shkak se ai ndodhej në namaz).

I Dërguari i Allahut alejhi selam kërkoi të njëjtën gjë (si në rastin e ebu Bekrit r.a) dhe aty ndodhej Omeri r.a (por me të ndodhi i njëjti rast si me ebu Bekrin).

Aty ndodhej gjithashtu Aliu r.a dhe mori përsipër kërkesën e të Dërguarit të Allahut alejhi selam dhe i tha: *Ke për t'i dhënë ti zgjidhje nëse arrin ta eleminosh*.

Kur shkoi Aliu r.a nuk e gjeti tashmë atë person sepse kishte ikur.

Kur u kthye dhe e pyeti: *A e eleminove atë person*? 

Aliu r.a ia ktheu: Nuk e di se ku shkoi dhe për ku iku.

I Dërguari i Allahut alejhi selam tha: *Ai person është nga të parët që i del ymetit tim* (me mendime khavarixhësh). 

*Nëse do arrije t'a eleminoje atë*, *s'do ekzistonte përçarje mes dy muslimanëve në ymetin tim*..

(Më pas i Dërguari i Allahut alejhi selam përmend rastin se si jehudët u përçanë në 71 grupe, gjithashtu dhe ky ymet deri në fund të hadithit)...

Transmeton ebu Jeala në librin e tij *Musned* 4127

Hadithi është hasen.

Perktheu dr. Edison Dukaj 

Nata e Kadrit

 Seid ibn Musejjib tregon dhe thotë:

Kush arrin t'a falë namazin e Akshamit dhe të Jacisë me xhemat në Natën e Kadrit, t'a dijë se ka kapur diçka prej mirësisë së saj.

Transmeton ibn ebi Shejbeh në librin e tij Musannef me nr. 8694

Transmetimi është i saktë.

Perktheu dr. Edison Dukaj 

Me I miri e me I keqi

 Ebu Hurejre r.a tregon se i Dërguari i Allahut alejhi selam gjatë një ditë qëndroi afër tek disa njerëz të cilët ishin ulur bashkë dhe u tha: 

*A t'u tregoj se cili është më i miri njeri nga ai më i keqi*? 

Të pranishmit heshtën, por i Dërguari i Allahut alejhi selam e përsëriti pyetjen tri herë.

Një person aty tha: O profeti i Allahut! Na njofto cili është me miri nga ai më i keqi! 

I Dërguari i Allahut alejhi selam tha: *Njeriu më i mirë mes jesh është ai njeri ku shpresohet mirësia e tij dhe* (të tjerët) *janë të sigurt prej të keqes së tij*.

*Ndërsa njeriu më i keq mes jush është ai njeri që nuk shpresohet e mira e tij dhe* (të tjerët) *nuk janë të siguruar prej të keqes së tij*.

Transmeton imam Ahmedi në librin e tij *Musned* me nr. 8920

Hadithi është i saktë.

Perktheu dr. Edison Dukaj

Krenohu vetem me Islam

 Ubejj ibn Keab r.a tregon dhe thotë: 

Një ditë, dy persona në kohën e të Dërguarit të Allahut alejhi selam filluan të përmendnin se nga e kishin prejardhjen.

Njëri prej tyre tha: Unë jam filani, biri i filanit, biri i filanit. 

Po ti kush je o i mjerë? 

Diçka të tillë e dëgjoi i Dërguari i Allahut alejhi selam dhe tha: 

*Dikur në kohën e Musait alejhi selam*, *dy persona përmendën prejardhjen e tyre dhe njëri prej tyre tha*:

*Unë jam filani, biri i filanit derisa përmendi nëntë paraardhës*.

*Po ti kush je o i mjerë*? 

*Ai ia ktheu*: *Unë jam filani, biri i filanit dhe feja ime është Islami*.

*Allahu i shpall Musait alejhi selam*: 

*Përsa i përket këtyre që përmenden prejardhjen e tyre*; *ti që përmende nëntë paraardhës të cilët janë zjarr*, *do jesh i dhjeti me ta në Zjarr*.

*Kurse përsa i përket ty o i cili përmende dy paraardhës të cilët janë në Xhenet* (dhe u krenarove me fenë Islame) *do jesh i treti me ta po në Xhenet*.

Transmeton imam Ahmedi në librin e tij *Musned* me nr. 21178

Perktheu dr Edison Dukaj 

Hadithi është i saktë

Dua pas abdesit

 Ebu Seid el Khudri r.a tregon se i Dërguari i Allahut alejhi selam ka thënë: 

*Kush merr abdes e pasi mbaron thotë*:

_Subhaneke Allahumme ue bi hamdike_, _la ilahe il-le Ente_, _estagfiruke ue etubu ilejke_.

*Do i regjistrohet* (kjo që thotë) *në një pllakë e cila s'ka për t'u thyer deri në Ditën e Kiametit*.

Transmeton Nesaiu në librin e tij *Sunen el Kubra* me nr. 9829

Hadithi është i saktë.

Perktheu dr Edison Dukaj 

CDO sprove pergatitje per ardhjen e dexhalit

 Hudhejfe r.a tregon se i Dërguari i Allahut alejhi selam ka thënë: 

*I frikësohem më shumë fitnes mes jush se sa i frikësohem asaj të Dexhalit*. *Përderisa dikush prej jush i shpëton një sprove të parë, do t'i mbijetojë asaj tjetrës* (që vijon). 

*Nuk shfaqet ndonjë sprovë* (fitne) *gjatë jetës së dynjasë*, *qoftë e vogël apo e madhe*, *vetëmse përgatit ardhjen e Dexhalit*.

Transmeton imam Ahmedi në librin e tij *Musned* me nr. 23304 

Hadithi është i saktë.

Perktheu dr. Edison Dukaj

Mos e nenvlereso askend

 Enesi radiallahu anhu tha se I Derguari I Allahut salallahu alejhi ue sel-lem tha:"  Sa e sa flokeprishur e te pluherosur ekzistojne! E nese kerkojne dicka nga Allahu, Ai do tja plotesonte lutjen. E njeri prej tyre eshte edhe El Beraa ibn Malik." E transmeton Tirmidhiu e thote qe eshte hasen e Sheikh Albani e vlereson sahjh ne Tergib 2083